terça-feira, 24 de abril de 2012

Tarta Guinness



INGREDIENTES:
Para a torta:
· 250 ml cervexa negra Guinness scout (utilicei a Guinness draught).
· 250 gr. Manteiga (utilicei menos cantidade)
· 75 gr. cacao en po (utilicei Valor)
· 400 gr. azucre ( utilicei 300 grs)
· 140 ml. de nata líquida para montar
· 2 ovos
· 1 cdta. de vainilla líquida (non o utilicei, engadín un sobre de azucre vainillado)
· 250 gr. fariña para repostaría
· 2'5 cdtas. de bicarbonato ( moi importante)


Para o frosting ( a crema blanca da guiness):
· 200 gr. queixo tipo Philadelphia
· 100 gr. azucre glas
· 200 ml. nata líquida para montar

Preparamos nun día chuvioso, sen presas:

Poñemos nunha pota a cervexa a quentar a lume medio, sen que chegue a ferver ( importante),
cando estea quente, engadímoslle a manteiga cortada en anacos e ímolo
movendo ata que a manteiga se derreta completamente, retirámolo do
lume e reservámolo.

Nunha cunca poñemos o cacao, o azucre, a fariña e o bicarbonato e mesturámolo
ata que queden ben ligados todos os ingredientes e dunha cor uniforme. (importante, ben mesturado).
Noutra cunca, poñemos a nata líquida, os ovos (e a vainilla líquida ou a vainilla azucarada) e o
mesturamos, cun batedor manual, ata que nos quede unha mestura uniforme, a
continuación engadimos o contido da pota ( xa debería estar morno), a cervexa coa manteiga, e o
mesturamos novamente ata integrar ben ambas as dúas mesturas.

Unha vez temos a mestura líquida rematada ímoslla incorporando aos
ingredientes secos e cunhas varas mesturámolo enerxicamente ata conseguir
unha masa uniforme e sen grumos, quedará bastante líquida, non vos asustedes é así,
logo solidifica e mostra unha textura substanciosa e húmida magnifica.

Pasamos a masa a un molde engraxado (o molde debe ser alto, a masa sobe moito, se o facedes non molde normal, non vai ser unha torta guiness) e introducímolo no forno, previamente
prequente a 180º, durante 50 minutos aproximadamente ou ata que o
piquemos e vexamos que sae limpo.

Unha vez transcorrido o tempo, sacámolo e deixámolo arrefriar no molde, para
posteriormente pasalo ao prato onde o vaiamos presentar.
Mentres, preparamos o frosting, mesturamos o queixo e o azucre, con
calquera batedor eléctrico, ata conseguir unha crema suave, despois lle
engadiremos a nata que previamente teremos montado e mesturámolo con
movementos suaves ata que estean ben integrados ambos os dous ingredientes,
conseguiremos unha crema lixeiramente untuosa que poñeremos sobre a torta xa
fría.
Canto máis alta quede a torta, máis apariencia terá de guiness.

A disfrutar cunha guinness ben fría.


domingo, 22 de abril de 2012

Mousse de chocolate



Ingredientes

400 gramos de chocolate de fundir ( 2 tabletas do de mercadona que está moi ben)
100 gramos de azucre
8 ovos

1 pouco de manteiga
1 pouco de ron

(estas cantidades dan para 8 persoas ou para duas si son Claudia e Manolo). Un bico os dous.

Preparamos con moito ollo todos os pasos:

1.- Poñemos o chocolate partido coa manteiga  en un bol de cristal ou porcelana á baño maría a lume moi suave e ollo que non ferva a auga ( pódese derreter no microonda pero eu non o fago porque se me pasa sempre). Cando estea a medio derreter, revolvede e si vedes que se desfan os trozos, sacadeo do lume porque senón pásase o chocolate e ponse duro como unha pedra.

2.- Mentres deixas que enfríe o chocolate, separas as claras das xemas. Bate as xemas con duas culleradas de azucre e revolve ben ata que estean cremosas e espumosas.

3.- Bate as claras de ovo cunha pizca de sal, a medida que vas batendo, vaille botando o azucre ( duas culleradas). Sabes cando están listas si non che caen líquidas e aguántanse na batidora.

4.- Xa tes o chocolate tibio, engade as xemas batidas, revolve ben e cando estea todo mezclado, vas engadindo cunha culler de madeira e con movimentos envolventes e pouco a pouco ( en tres pasos) as claras a punto de neve ( esto é para para que non baixen as claras).
Importante neste paso: non botes as xemas cando o chocolate estea moi quente nin deixes que se enfrie de todo.

5.- Revolve, envolve, envolve, volve a envolver con moito cariño e cando vexas que a mousse é uniforme, non a comas, métea na nevera unhas 2/3 horas.

Podes meter na nevera ese mesmo bol, pero si eres máis fisno, vas poñendo en cuencos a mousse e á nevera. Podedes acompañar con menta ou fresas ou arándanos ou grosellas, incluso nata. mmmmmmmmmmm



Saúde e bicos de chocolate para todos


sexta-feira, 20 de abril de 2012

RAXO RIQUÍIIIIIIIISIMO E FACÍLIIIIIIIIIIIIIIIISIMO



Hoxe ao mediodía, comemos lomo de porco cunha salsa deliciosa e sanísima. E por riba, a receita e moi fácil. Ahí vai

Ingredientes:

Raxo de porco de 1Kg
4 cenouras
1 cabeza de allo
1 cebola mediana
1 vaso de auga
1/2 vaso de aceite
1/2 vaso de vinagre
Sal

Prepapamos:

Metemos todos os ingredientes na pota ( o raxo enteiro e as hortalizas lavadas pero non pelamos nada), a lume baixo, lemos un libro durante duas horas ou vemos unha peli. Xa está feito? Pinchade para ver si están as cenouras. Si vedes que queda pouco prebe, engadir máis auga.

Retiramos o lomo enteiro, reservamos. Pasamos polo pasapuré a cebola e a cabeza de allo enteira cunha pouquiña de auga da cocción.

Collemos un bol, botamos a mezcla da cebola e do allo que acabamos de pasar polo pasapuré e o resto que queda na pota, e decir, o prebe e as cenouras. Batimos todo. debe de quedar una salsa lixeira como a da foto

Saúde.

segunda-feira, 27 de fevereiro de 2012

Crema de Cabaza

A crema de cabaza que leva algo máis que cabaza

Ingredientes
1 cabaza pequena
2 Cenorias
2 patacas medianas
1 Porro

Media cebola
Leite ( 1 vaso)
3 ou catro quesitos ( El Caserío)

Como preparamos?

Pelamos e cortamos a cabaza, as cenouras e as patacas en anacos similares e botámolas nunha pota con auga con sal, deixamos cocer a fogo medio

Picamos a cebola e o porro e botamos nunha tixola con aceite de oliva virxe a a pochar ( cun chisco de sal)

Cando os ingredientes da pota, estean cocidas ( como para facer puré), Se ves que ten moita auga, reserva unha pouca para que non che saia a crema moi líquida. Botamos o sofrito do porro e a cebola, collemos o pasapuré e pasamos todo de novo a pota.


Botamos un vaso de leite, os quesitos ( e si quedou moi espesa), colles un pouco de caldo que tes reservado ata que quede ao teu gusto. E pasamos a batidora

Lista para tomar

Bo proveito


sexta-feira, 27 de janeiro de 2012

Doce de kiwi

Hoxe imos con máis doces.
O meu cuñadísimo Javi regaloume unha bolsa de kiwis, e qué imos facer ademáis de comelos?, pois unha mermelada

Ingredientes:

1 Kg kiwis
700 grs de azucar
Zume de un limón e ralladura ( eu non añadín a ralladura)

Preparamos:

Pesamos os kiwis pelados e cortados en trozos pequenos, poñemolos co zucre en un bol de cristal ou porcelana, capa de kiwi, capa de zucre e deixamolos unhas 6 horas.
Botamos os kiwis nunha pota e mezclamos ben co zume de limón; Quentamos a lume lento suave, sin parar de remover, ata que o zucre estea disolto. Deixamos que ferva e que coza, removendo con frecuencia, durante uns 20 minutos.  Cando comeza a ferver, e vin que non se desfacía a froita, paseino polo pasapuré.

Comprobamos que está feita, poñendo un pouquiño de doce nun platiño: pasamos o dedo polo medio, si queda o espazo do medio, xa está lista; si non, cocemos durante 5 minutos máis.
Vertemos a mermelada en tarros de cristal, que previamente lavamos e esterilizamos ( nunha pota en auga fervendo e poñendo un pano na base para que non rompan os tarros e secámolos no forno); tapamos os tarros e facemos o vacio. Eu poño unha pota con auga ( e co pano na base) que cubra os tarros postos en vertical, deixamos ferver máis ou menos 30 minutos.


E xa está lista para desfrutar.

Bo proveito

Recomendación: É mellor facer o doce con dous kg de froita, xa que adicarlle tanto tempo e gas para dous tarros, parece que un non queda satisfeito

segunda-feira, 23 de janeiro de 2012

Biscoito de Chocolate feito hoxe, riquísimo e moi sinxelo

 
Biscoito de chocolate:

3 ovos
o seu mesmo peso en farina
o seu mesmo peso en zucre ( ou un pouquiño menos)
o seu mesmo peso en mantequilla ( ou un pouquiño menos)
o seu mesmo peso en chocolate de fundir ( menos 50 gramos que deixaremolos para facer pepitas de chocolate)
un pouquiño de sal ( para facer as claras a punto de neve)
Levadurina ( un sobre)
 
 

Como se prepara

Pon ao baño maría nunha taza  a mantequilla e o chocolate a lume lento ( acordate de deixar un pouquiño para facer as perlas de chocolate).
Cando empece a derreter, sacao do lume, botao nun recipiente máis grande e bótalle o zucre, revolve ata que se disolva.
Cando xa estea morno, bótalle as iemas, unha a unha e segue revolvendo. Vai botando a fariña mezclada coa levadurina e segue revolvendo.

Por outra banda, bate as claras (cun chisquiño de sal) a punto de neve, e cando estean listas, colle unha culler de madeira, e incorpora as claras a punto de neve á mezcla anteiror, pouco a pouco e con movementos envolventes ata que estean completamente ligados cos demáis ingredientes. ( se queres, agora que xa tes todo mezclado podes coller a batidora de varillas e batir un pouquiño). Fai unhas virutas de chocolate, mesmo cun coitelo e incorporas á mezcla. 

Pois xa está, colle un molde alargado ou como ti queiras, untado de mantequilla e espolvorea un pouco de fariña, botas a mezcla e méteo no forno pre-quentado a uns 130º, a media altura e con esta mesma temperatura. 50-60 minutos, pincha cun coitelo ou palillo largo, se sae limpo, xa está listo para almorzar, postrear ou cear.

Recorda, non saques o biscoito do molde ata que estea morno ou frio

Bo proveito Morgana, disfruta dun pequeno almorzo sano, sano, sano